最近睇 #暖男爸爸，經常都聽到暴龍哥嘅歌，加上戲劇片段，聽到都忍唔住留幾滴眼淚... 無論你係咪鄭中基嘅fans，呢十幾年來就點都會聽過幾首佢嘅金曲。
今次小編精選六首 #鄭中基必聽金曲，其中幾首更喺《暖男爸爸》出現過。就算聽晚大結局，唔捨得劇集完結都可以聽住呢幾首歌。
1. 無賴
一個浪子變成好男人嘅故事，就好似講緊歌者嘅一生；從前只係鍾意去蒲、飲酒，如今因為老婆仔女已變成顧家嘅好男人。
2. 我代你哭
每個人都有一個心中有愧嘅前度？雖然冇可能再喺返埋一齊，但當知道佢受到傷害，內心都會感到隱隱作痛。希望佢仲會搵到一個值得佢愛嘅好人。
3. 三生有幸
一樣係浪子的故事。曾經一沉百踩，以為自己永遠都冇辦法翻身，係低潮嘅時候有一個人無條件支持自己，為咗報答佢嘅真心，唯有努力企返起身先至對得住佢嘅付出。
4. 晴天陰天雨天
好浪漫嘅暗戀情歌。你對我一個甜笑，就係晴天嘅來臨；如果你不秋不睬，我嘅內心就好似狂風暴雨一樣，光明不再只有黑暗。
5. My only one
就算你返唔到嚟我身邊，而上天安排左另一個人出現，同我共度餘下半生。或者佢都係一個細心、體貼嘅人，但都永遠都冇辦法取代你呢個My only one。
6. 人若然忘記了愛
過著刻板嘅生活，可能會令我哋感到迷失。有時甚至唔記得咗愛嘅感覺，但只要同另一半輕輕相擁，自然就搵得返心動嘅感覺，以及努力生活嘅動力。
-----------------------------------------
#hkpop #hkword #hkmusic #cantonese #cantopop #廣東話 #廣東歌 #鄭中基 #暖男爸爸 #無賴 #浪子回頭 #三生有幸 #MyOnlyOne #人若然忘記了愛 #晴天陰天雨天 #我代你哭 #閉目入神 #有種 #大樂師為愛配樂 #林世榮 #暴龍哥
Search